पोखरा महानगरमा एकमात्र महिला वडा अध्यक्ष निर्वाचित
जेठ, ९ काठमाडौं । भूगोलमा देशकै ठूलो पोखरा महानगरमा एकमात्र महिला वडा अध्यक्ष निर्वाचित भएकी छन्।
महानगरमा रहेका ३३ वटा वडामध्ये पोखरा–१७ को वडा अध्यक्षमा एमाले उम्मेदवार राधिका शाही निर्वाचित भएकी हुन्।
उनले २ हजार ९६७ मत पाएर विजयी भइन् भने उनका प्रतिद्वन्द्वी कांग्रेसका देवराज आचार्यले २ हजार ५४४ मत पाए। वडा सदस्यहरूमा पनि एमालेको प्यानल नै विजयी भएका छन्।
आचार्यले वडा नम्बर १७ बाट २ हजार ६६९ मत पाएका छन् भने एमाले उम्मेदवार कृष्ण थापाले २ हजार ४५९ मत पाए।
उपमेयरमा एमाले उम्मेदवार मञ्जुदेवी गुरूङले धेरै मत पाएकी छन्। गुरूङले २ हजार ९६७ मत पाइन् भने कांग्रेसका उपमेयर उम्मेदवार कोपिला रानाभाटले २ हजार २९२ मत पाएकी छन्।
