काठमाडौंको मेयरका उम्मेदवार केशवलाइ पछि पार्दै सिर्जना
जेठ,८ काठमाडौं । काठमाडौंको मेयरका लागि पहिलो स्थानमा स्वतन्त्र उम्मेदवार बालेन साह अडिग रहेका बेला दोस्रो स्थानका लागि नेपाली कांग्रेसकी उम्म्मेदवार सिर्जना सिंहले एमालेका केशव स्थापितसँगको दूरी बढाएकी छन् ।
बालेनले अहिलेसम्म ३९ हजार ६ मत पाएका छन् । सिंहले २२ हजार ७२ मत पाएका छन् भने स्थापितले २१ हजार ५७१ मत पाएका छन् ।
आज बिहानसम्म १ लाख ९ हजार ५ सय ३७ मतगणनामा भइसकेको छ । बालेनले दोस्रो स्थानमा रहेकी सिंहलाई १६ हजार ९ सय ३४ मतले पछि पारेका छन् ।
