उदयपुरगढी गाउँपालिकामा नेकपा एकीकृत समाजवादीका मानबहादुर केप्छाकी मगर विजयी
जेठ,२ काठमाडौं। नेकपा एमालेका उम्मेदवार गोपालबहादुर खत्रीलाई हराउँदै उदयपुरको उदयपुरगढी गाउँपालिकामा नेकपा एकीकृत समाजवादीका मानबहादुर केप्छाकी मगरले जितेका छन् । खत्रीलाई आठ सय भन्दा बढी मतान्तरले पराजित गरी मगर अध्यक्ष निर्वाचित भएका हुन् ।
मगरले ४,९४२ मत ल्याउँदा खत्रीले ४,११४ मत पाए । ०७४ मा मगरले नेकपा एमालेबाट अध्यक्ष जितेका थिए । तर यसपटक भने एमालेलाई नै हराउँदै दोस्रोपटक अध्यक्ष जिते ।
उपाध्यक्षमा नेपाली कांग्रेसका जितबहादुर खड्काले जितेका छन् । खड्काले ४,६४८ मत पाउँदा एमालेका शोभाकुमारी आलेले ३,८६३ मत पाइन् । यो गाउँपालिकामा सत्ता साझेदार दलहरुको गठबन्धन भएको थियो ।
