आलिताल गाउँपालिकाको अध्यक्ष र उपाध्यक्षमा माओवादी केन्द्र विजयी
जेठ, २ काठमाण्डौ । डडेलधुराको आलिताल गाउँपालिकाको अध्यक्ष र उपाध्यक्ष दुवै पदमा माओवादी केन्द्रका उम्मेदवार विजयी भएका छन्। अध्यक्षमा शेरसिंह पार्की र उपाध्यक्षमा मैनाकुमारी रावल विजयी भएका हुन्।
अध्यक्षमा पार्कीले २३८९ मत र उपाध्यक्ष रावलले २६०२ मत प्राप्त गरेका छन्। अध्यक्षका निकटम प्रतिद्वन्द्वी कांग्रेसका बलबहादुर गुरुङले २२२४ मत ल्याएका छन्। यस्तै एमालेका मीनबहादुर बोगटी १४६९ मतसहित तेस्रो स्थानमा छन्।
उपाध्यक्षमा भने कांग्रेसकी जला कुमारी बोगटी २२४१ मतसहित दोस्रो स्थानमा रहँदा एमालेकी शान्ती जोशी १६४८ मतसहित तेस्रो स्थानमा रहे। यसअघिको निर्वाचनमा भने कांग्रेसका गुरुङ विजयी बनेका थिए। तर यसपालि भने उनी माओवादीका पार्कीसँग पराजित भएका छन्।
