विप्लव नेतृत्वको नेकपाका बामबहादुर बुढा प्युठानको माण्डवी गाउँपालिका-१ को वडा अध्यक्षमा निर्वाचित
वैशाख,३१ काठमाडौ । विप्लव नेतृत्वको नेपाल कम्युनिस्ट पार्टीका जिल्ला सचिवालय सदस्य बामबहादुर बुढा प्युठानको माण्डवी गाउँपालिका(१ को वडा अध्यक्षमा निर्वाचित भएका छन् ।
स्थानीय तह निर्वाचन २०७९ को निर्वाचनमा माओवादी केन्द्र, राष्ट्रिय जनमोर्चा र नेपाली काङ्ग्रेसको समर्थनमा बुढामगर निर्वाचित भएका हुन् ।
वडा अध्यक्ष बुढामगरले ७७० मत पाए भने उनका निकटतम प्रतिद्वन्द्वी रिखबहादुर गौतमले ६२८ मत पाएका निर्वाचन अधिकृत कैलाश खत्री क्षेत्रीले जानकारी दिए ।
माण्डवी गाउँपालिकामा राजमो, नेकपा, माओवादी केन्द्र र नेपाली काङ्ग्रेसले चुनावी गठबन्धन गरेका छन् । नेकपाको तर्फबाट उम्मेदवारी दिएका नेताहरूले माओवादी केन्द्रको चुनाव चिन्हबाट लडेका थिए ।