रथ तान्ने क्रममा रथले किचेर एकजनाको मृत्यु
काठमाडौं ५ वैशाख । विस्का जात्राको रथ तान्ने क्रममा रथले किचेर आज एकजनाको मृत्यु भएको छ। भक्तपुरको सूर्यविनायक नगरपालिका वडा नं. ५ कटुन्जेका ७१ वर्षीय दुर्गामान कसपालको मृत्यु भएको भक्तपुर अस्पतालले जनाएको छ।
जात्राको अन्तिम दिनआज रथलाई तान्दै भक्तपुरको पोटरी स्क्वायर नजिकै पुग्दा रथले किचेको थियो। रथले किचेर घाइते भएका कसपाललाई उपचारका लागि तत्काल भक्तपुर अस्पताल लगिएको थियो।
