काठमाडौं १८ चैत । नेपालका प्रधानमन्त्री भारत भ्रमणमा जाँदा दूतावासमा दिवाभोजसहितको औपचारिक कार्यक्रमै राखेर प्रवासी नेपालीहरुको गुनासो सुन्ने पुरानै प्रचलन हो ।दिल्लीस्थित नेपाली दूतावासमा प्रवासी नेपाली संगठनका प्रमुखहरुसँग प्रधानमन्त्रीले भेटघाट गर्ने र औपचारिक कार्यक्रमकै आयोजना गर्ने प्रचलन रहँदै आएको थियो । मूल प्रवाह अखिल भारत नेपाली एकता समाजका अध्यक्ष ठाकुर खनालले भने, ‘हाम्रा प्रधानमन्त्री भारत आउँदा हामीले संयुक्त रुपमा ज्ञापनपत्रमार्फत मागहरु राख्ने गरेका थियौं । तर, दूतावासले यसपालि औपचारिक कार्यक्रम राखेन ।

भारतमा कार्यरत प्रवासी नेपालीका विभिन्न संगठन छन् । नेपाली काँग्रेस निकट जनसम्पर्क समिति छ भने एमाले निकट प्रवासी नेपाली संघ छ । त्यस्तै माओवादी निकट अखिल भारत नेपाली एकता मञ्च छ भने नेकपा मसाल निकट मूलप्रवाह अखिल भारत नेपाली एकता मञ्च भारतमा क्रियाशील छ ।