तीन जिल्लामा पुग्ने प्रधानमन्त्री शेरबहादुर देउवा
![](https://www.yetikhabar.com/wp-content/uploads/2022/03/1626199060-3813.jpg)
काठमाडौं ६चैत । प्रधानमन्त्री तथा नेपाली काँग्रेसका सभापति शेरबहादुर देउवा सोमबार मोरङलगायतका तीन जिल्लाको कार्यक्रममा सहभागी हुन प्रदेश १ आउने भएका हुन ।
प्रधानमन्त्रीले मोरङको सुन्दर हरैंचा नगरपालिका नगरपालिका–८ मा नगरपालिकाको प्रशासकीय भवन शिलान्यास गर्ने, सोही वडाको बुधबारेमा रहेको कृषि बजारको भवन शिलान्यास गर्ने तथा वडा नम्बर १ को सुन्दर हरैंचा नगर अस्पताल उद्घाटन गर्ने कार्यक्रम रहेको छ । जसका लागि देउवा हेलिकप्टर चढेर आउनेछन् । सुन्दरहरैंचाको कार्यक्रम सकेपछि प्रधानमन्त्री पाँचथर जाने र त्यसपछि खोटाङ जाने कार्यक्रम रहेको छ ।
![](https://www.yetikhabar.com/wp-content/uploads/2022/03/Rt.-Hon.-Prime-Minister-Sher-Bahadur-Deuba-12x15-1-scaled-1-819x1024.jpg)
नेपाली काँग्रेसका मोरङ सभापति डिकबहादुर लिम्बूले भोलि सुन्दर हरैंचाको स्वास्थ्य केन्द्र भवन उद्घाटनका लागि प्रधानमन्त्री आउन लागेको आफूले जानकारी पाएको बताएका छन ।