जनता समाजवादी पार्टी जसपा को कार्यकारिणी समितिको बैठक बस्दै छ ।भोली बस्ने संघीय परिषद्को बैठक र त्यसपछि बस्ने केन्द्रीय समितिको बैठकको तयारीका लागि जसपाको बैठक बसेको हो । यही फागुन १४ गतेदेखि बसेको कार्यकारिणी समितिको बैठकले तय गरेको एजेन्डामाथि छलफल सुरु भएको हो ।

तर बैठकमा नेताहरुको बीचमा कुरा नमिल्दा सहमतिका लागि अध्यक्ष उपेन्द्र यादव, परिषद्का अध्यक्ष डा. बाबुराम भट्टराई र वरिष्ठ नेता अशोक राईलाई जिम्मेवारी हो । तीन नेताको बीचमा सहमति जुटेपछि आज कार्यकारिणी समितिको बैठक बसेको छ। बैठकले परिषद् तथा केन्द्रीय समितिको बैठकका लागि एजेन्डा तय गर्नेछ ।

पार्टी समायोजन, कार्यविभाजन कार्यकारिणी समिति विस्तार, पदाधिकारी चयन, कार्यकारिणी अध्यक्षलगायतका विषयमा अध्यक्ष यादव र परिषद्का अध्यक्ष भट्टराईबीच आन्तरिक विवाद रहेको हो ।